وصلة بروجكتر للايفون: أي وصلة تناسب جوالك وطريقة التوصيل

إذا تبي وصلة بروجكتر للايفون، شف منفذ جوالك أول: ايفون 14 وتحت يحتاج وصلة لايتنينج إلى HDMI (أو VGA للبروجكتر القديم)، وايفون 15 وأحدث يحتاج وصلة تايب سي إلى HDMI. بعدها وصّل سلك HDMI بالبروجكتر واختر المدخل الصحيح من ريموته، وتطلع شاشة جوالك على طول.

ولو تبي تشوف باقي الوصلات حسب الاستخدام (سماعة، فلاشة، كمبيوتر، hub) راجع دليل وصلات الايفون.

وإذا طلعت الصورة سوداء مع تطبيقات الأفلام، فالسبب غالبًا حماية المحتوى HDCP، والحل وصلة متوافقة معها أو البث السريع AirPlay لو البروجكتر أو التلفزيون يدعمه. هذي الخطوات تتوافق مع إرشادات دعم Apple الرسمية لتوصيل الايفون بشاشة عرض.

مهم: حسب صفحة دعم Apple عن منفذ USB-C، ايفون 16e وايفون 17e ما يدعمون الاتصال بشاشة خارجية من منفذ USB-C، فالوصلة ما تفيدهم، والبديل لهم البث السريع.

أي وصلة بروجكتر تناسب جوالي؟

الوصلة لازم يكون طرفها نفس منفذ جوالك، وطرفها الثاني نفس مدخل البروجكتر. هذا الجدول يختصر لك الموضوع:

ولو محتار وش الفرق بين أنواع المنافذ، شف شرح الفرق بين تايب سي و يو اس بي.

هل البروجكتر حقك HDMI أو VGA؟

شف ظهر البروجكتر. فتحة HDMI صغيرة ومسطحة، وفتحة VGA أعرض وغالبًا لونها أزرق وفيها مسامير. أغلب البروجكترات الجديدة HDMI، وبعض قاعات المدارس والشركات لسا فيها VGA.

انتبه لنقطة الصوت: حسب دعم Apple، محول VGA ما ينقل الصوت أبد. لو تعرض فيديو على VGA تحتاج توصل الصوت بسلك منفصل على مدخل الصوت في البروجكتر أو السماعة. أما HDMI فينقل الصورة والصوت مع بعض.

كيف أوصل الايفون بالبروجكتر بالسلك؟

الطريقة نفسها للايتنينج والتايب سي، الفرق بس بالوصلة:

1. ركّب الوصلة في منفذ الشحن تحت الايفون.
2. وصّل سلك HDMI أو VGA بالوصلة.
3. وصّل الطرف الثاني من السلك بالبروجكتر.
4. شغّل البروجكتر واختر مصدر الفيديو الصحيح (HDMI 1 أو HDMI 2 أو VGA) من الريموت.
5. افتح قفل الايفون، ولو طلع لك سؤال "الوثوق" اضغط عليه.

بعدها البروجكتر يعرض نفس اللي على شاشة جوالك: الصور، العروض، ملفات PDF. تطبيقات الفيديو ممكن تعرض الفيديو على البروجكتر بشاشة كاملة وتخلي جوالك للتحكم.

هل أقدر أشحن الجوال وأنا أعرض؟

نعم، إذا الوصلة فيها منفذ شحن إضافي. محولات Apple فيها منفذ ثاني للشحن عشان يشحن الجوال وهو موصول بالبروجكتر. الوصلات اللي فيها فتحة وحدة بس ما تسمح بالشحن وقت العرض، فلو عرضك طويل اشحن قبل.

لماذا تطلع شاشة البروجكتر سوداء؟

أغلب الحالات لها سبب بسيط. جرّب هذي بالترتيب قبل ما تحكم إن الوصلة خربانة:

• المصدر غلط: البروجكتر على مدخل ثاني. غيّر المصدر من الريموت.
• محتوى محمي: الأفلام والمسلسلات وبعض تطبيقات البث تحتاج HDCP. مع وصلة ما تدعمه يطلع لك تنبيه أو شاشة سوداء بينما الصور والعروض تطلع عادي.
• السلك نفسه: جرّب سلك HDMI ثاني، أحيانًا المشكلة فيه مو بالوصلة.
• تمديدات ومحولات زيادة: شيل أي تمديد أو محول يحول الإشارة إلى DVI أو Composite أو Component، Apple تقول إنها غير متوافقة.
• الكهرباء: بعض الوصلات غير الأصلية ما تشتغل إلا إذا وصلت لها شاحن أو سلك USB.
• النظام قديم: حدّث الايفون لآخر إصدار iOS.

وفي النهاية افصل الوصلة من الجوال ومن البروجكتر ورجعها. هذا من أول الحلول اللي يذكرها دعم Apple.

هل وصلات البروجكتر التجارية تخرب الايفون؟

لا. الوصلة التجارية الجيدة ما تضر الجوال، الفرق إنها غالبًا ما تشغّل التطبيقات المحمية زي نتفلكس وشاهد. لو شغلك عروض وشرايح وصور تكفيك، ولو تبي الأفلام تشتغل بدون مشاكل خذ محول Apple.

وش المتوفر عندنا من وصلات البروجكتر؟

الأسعار وقت كتابة المقال، وممكن تتغير، فشف صفحة المنتج:

لايفون 14 وتحت (لايتنينج)

• وصلة ايفون للبروجكتر: كيبل واحد لايتنينج إلى HDMI بطول مترين تقريبًا، بـ69 ريال.
• وصلة ايفون hdmi: لايتنينج إلى HDMI وفيها فتحة شحن، بـ85 ريال.
• وصلة بروجكتر للايفون 3 في 1: فيها HDMI وVGA وفتحة صوت 3.5، تحتاج كهرب من سلك USB، بـ139 ريال.
• محول ابل لايتنينج الى hdmi: Lightning Digital AV Adapter من Apple وفيه فتحة شحن، بـ237 ريال.

لايفون 15 وأحدث (تايب سي)

• وصلة البروجكتر للايفون تايب سي: تايب سي إلى HDMI بسلك قصير، بـ84 ريال.
• وصلة بروجكتر تايب سي: تايب سي إلى HDMI للبروجكتر والشاشات، بـ179 ريال.

وباقي الوصلات في قسم وصلات ايفون. سلك HDMI نفسه غالبًا ما يجي مع الوصلة، استخدم سلك البروجكتر أو التلفزيون.

هل أقدر أوصل الايفون بالبروجكتر بدون سلك؟

نعم، بالبث السريع AirPlay، بشرط يكون البروجكتر أو التلفزيون يدعمه، أو موصول فيه Apple TV. البروجكتر العادي اللي ما يدعم AirPlay ما يظهر بالقائمة.

1. وصّل الايفون والبروجكتر (أو Apple TV) على نفس شبكة الواي فاي.
2. افتح مركز التحكم بالسحب لتحت من زاوية الشاشة العلوية (أعلى اليسار حسب صفحة Apple العربية).
3. اضغط زر محاكاة الشاشة.
4. اختر البروجكتر أو التلفزيون من القائمة.
5. اكتب الرمز اللي يطلع على الشاشة لو طلبه.

وللإيقاف:

مركز التحكم ← محاكاة الشاشة ← إيقاف الانعكاس

السلك أضمن بالقاعات لأن الواي فاي فيها زحمة وممكن يقطع، والبث السريع أريح بالبيت.

هل الايفون 15 يطلع صورة 4K على البروجكتر؟

نعم إذا الوصلة والسلك يدعمون HDMI 2.0. حسب Apple، المحولات والكيبلات اللي تدعم HDMI 2.0 تطلع فيديو 4K بـ60 هرتز من الايفون اللي فيه تايب سي. لكن أغلب البروجكترات دقتها أقل من كذا، فالصورة تطلع على دقة البروجكتر نفسه.

الخلاصة

وصلة بروجكتر للايفون تختارها حسب المنفذ: لايتنينج لايفون 14 وتحت، وتايب سي لايفون 15 وأحدث، وHDMI أو VGA حسب البروجكتر. وصّل، واختر المصدر، وافتح قفل الجوال.

وإذا الشاشة سوداء مع الأفلام فهي حماية المحتوى مو عطل، جرّب محول Apple أو البث السريع. وتوصيل الايفون بالبروجكتر بدون سلك ما يمشي إلا مع جهاز يدعم AirPlay.

المصادر الرسمية

• دعم Apple — توصيل الـ iPhone بشاشة عرض باستخدام كبل
• دعم Apple — احصل على المساعدة بشأن محولات AV الرقمية من Apple
• دعم Apple — الشحن والتوصيل باستخدام موصل USB-C على جهاز iPhone
• دعم Apple — استخدام البث السريع لبث الفيديو أو عكس شاشة iPhone

أسئلة شائعة عن وصلة البروجكتر

وش وصلة البروجكتر المناسبة لايفون 13 أو 14؟

وصلة لايتنينج إلى HDMI، أو لايتنينج إلى VGA لو البروجكتر قديم وفيه VGA بس.

وش وصلة البروجكتر لايفون 15 و16 و17؟

وصلة تايب سي إلى HDMI. ايفون 16e و17e ما يدعمون العرض بالسلك حسب Apple، فيستخدمون البث السريع.

ليش نتفلكس يطلع أسود على البروجكتر؟

لأن الأفلام وبعض تطبيقات البث تحتاج حماية HDCP، والوصلة اللي ما تدعمها تعطي شاشة سوداء أو تنبيه.

هل وصلة VGA تنقل الصوت؟

لا. VGA ينقل الصورة بس، والصوت توصله بسلك منفصل. HDMI ينقل الصورة والصوت.

هل أقدر أشحن الايفون وهو موصول بالبروجكتر؟

نعم إذا الوصلة فيها منفذ شحن إضافي زي محولات Apple.

كيف أوصل الايفون بالبروجكتر بدون سلك؟

بالبث السريع: مركز التحكم ← محاكاة الشاشة ← اختر الجهاز، بشرط يدعم البروجكتر AirPlay أو يكون فيه Apple TV.